પોષી પૂનમ 2023 તારીખઃ હિંદુ ધર્મમાં પૂર્ણિમાને ખૂબ જ વિશેષ માનવામાં આવે છે. આ લેખમાં પોષી પૂનમ નું મહત્વ જાણીશું. આ વખતે પોષ મહિનાની પૂર્ણિમા 06 જાન્યુઆરી 2023 ના રોજ ઉજવવામાં આવશે. વર્ષ 2023ની આ પ્રથમ પૂર્ણિમા છે. પૂર્ણિમાના દિવસે, ચંદ્ર તેના પૂર્ણ કદમાં હોય છે. પોષને ભગવાન સૂર્યનો મહિનો કહેવામાં આવે છે, તેથી આ મહિનામાં આવતી પૂર્ણિમાને પોષી પૂનમ કહેવામાં આવે છે.
હિંદુ ધર્મમાં આ પૂર્ણિમાને ઘણું મહત્વ આપવામાં આવે છે અને આ દિવસે લોકો વિવિધ રીત-રિવાજો સાથે પૂજા કરે છે. માન્યતા અનુસાર, પોષી પૂનમના દિવસે વિધિવત પૂજા કરવાથી માણસ મોક્ષની પ્રાપ્તિ કરે છે. પોષી પૂનમના દિવસે સૂર્ય ભગવાનને દાન, સ્નાન અને અર્ઘ્ય અર્પણ કરવાનું વિશેષ મહત્વ જણાવવામાં આવ્યું છે.
પોષી પૂનમ નું મહત્વ
વૈદિક જ્યોતિષ શાસ્ત્ર અનુસાર, પૌષને સૂર્ય ભગવાનનો મહિનો કહેવામાં આવે છે. આ માસમાં સૂર્યદેવની પૂજા કરવાથી મનુષ્ય મોક્ષની પ્રાપ્તિ કરે છે. તેથી જ પોષી પૂનમના દિવસે પવિત્ર નદીઓમાં સ્નાન કરવાની અને સૂર્ય ભગવાનને અર્ઘ્ય અર્પણ કરવાની પરંપરા છે. પોષ મહિનો એ સૂર્યદેવનો મહિનો છે અને પૂર્ણિમા એ ચંદ્રની તિથિ છે. તેથી, સૂર્ય અને ચંદ્રનો આ અદ્ભુત સંગમ પોષી પૂનમની તારીખે જ થાય છે. આ દિવસે સૂર્ય અને ચંદ્ર બંનેની પૂજા કરવાથી મનોકામનાઓ પૂર્ણ થાય છે અને જીવનમાં આવતા અવરોધો દૂર થાય છે.
પૌષ પૂર્ણિમા 2023 નું મહત્વ
પોષી પૂનમનો અવસર ભાઇ બહેનના હેતને પણ સમર્પિત છે. આજના દિવસ બહેન ઉપવાસ કરીને પૂનમનુ વ્રત રાખે છે અને સાંજે ચંદ્રમાની પૂજા કરીને ભાઇ દિર્ઘાયુ અને સુખી સમૃદ્ધ જીવનની કામના કરે છે અને ભાઇનું મુખ જોઇને વ્રત પૂર્ણ કરે છે.
પોષી પૂનમનાં દિવસે આપણે ત્યાં બહેન આખો દિવસ ભાઇની સુખાકારી માટે ઉપવાસ કરે છે અને રાત્રે આકાશમાં ચંદ્ર સામે કાણાંવાળી ગોળ ભાખરી કે બાજરાનો રોટલો આંખ સામે રાખી તેમાંથી ચંદ્રને જોઇને ભાઇને ૩ વખત પૂછે,
“પોષી પોષી પૂનમડીને,
અગાશી એ રાંધ્યા અન્ન,
ભાઇની બહેન રમે કે જમે ?”
જો ભાઇ જમવાનું કહે તો બહેન જમે અને રમવાનું કહે તો આખી રાત બહેનને રમવાનું હોય છે. જોકે, થોડો સમય ભાઇ મજાકમાં રમે કહે એટલે બંને ભાઇ-બહેન વચ્ચે મીઠો ઝઘડો પણ થાય. એ વખતે ઘરનાં વડીલ હસીને કહેતાં, “બહેનને રમાડવા ભાઇએ પણ આખી રાત જાગવું પડે”. આજે આ બધી પરંપરા ઘટતી જાય છે. છતાં પોષી પૂનમનું મહત્ત્વ તો હતું અને રહેવાનું જ.
Paush Purnima 2023 Shubh Muhurat (પોષી પૂનમ 2023 શુભ મુહૂર્ત)
પૂર્ણિમા તિથિ 06 જાન્યુઆરી 2023 ના રોજ બપોરે 02.16 વાગ્યે શરૂ થશે અને 07 જાન્યુઆરી 2023 ના રોજ સવારે 04.37 વાગ્યે સમાપ્ત થશે. ઉદયતિથિ અનુસાર, આ વખતે પોષી પૂનમ 06 જાન્યુઆરીએ જ ઉજવવામાં આવશે. આ સાથે જ પોષી પૂનમના દિવસે સર્વાર્થ સિદ્ધિ યોગ પણ બની રહ્યો છે. આ ખૂબ જ શુભ યોગ માનવામાં આવે છે અને તેમાં કરવામાં આવેલ તમામ કાર્ય સફળ થાય છે. સર્વાર્થ સિદ્ધિ યોગ શનિવાર, 7 જાન્યુઆરી, 2023 ના રોજ રાત્રે 12:14 વાગ્યે શરૂ થશે અને સવારે 7:15 વાગ્યે સમાપ્ત થશે.
પોષી પૂનમ 2023 પુજન વિધિ
સવારે સ્નાન કરતા પહેલા વ્રત રાખવાની પ્રતિજ્ઞા લેવામાં આવે છે. પવિત્ર નદીમાં સ્નાન કર્યા પછી ભગવાનને અર્ઘ્ય ચઢાવો. સૌ પ્રથમ સૂર્ય ભગવાનને અર્ઘ્ય અર્પણ કરવામાં આવે છે. આ પછી ભગવાન મધુસૂદનની પૂજા કરવી જોઈએ. આ પછી બ્રાહ્મણ અથવા કોઈ જરૂરિયાતમંદ વ્યક્તિને ભોજન કરાવો. આ દિવસે ધાબળા, ગોળ, તલ જેવી વસ્તુઓનું દાન કરવું શુભ માનવામાં આવે છે.
પોષી પૂનમ માટે વારંવાર પુછાતા પશ્નો
પોષી પૂનમ કયારે છે?
આ વખતે પોષી પૂનમ 06 જાન્યુઆરી 2023 ના રોજ બપોરે 02.16 વાગ્યે શરૂ થશે.
પૌષ પૂર્ણિમા નું મહત્વ શું છે?
પોષી પૂનમનો અવસર ભાઇ બહેનના હેતને પણ સમર્પિત છે. આજના દિવસ બહેન ઉપવાસ કરીને પૂનમનુ વ્રત રાખે છે અને સાંજે ચંદ્રમાની પૂજા કરીને ભાઇ દિર્ઘાયુ અને સુખી સમૃદ્ધ જીવનની કામના કરે છે અને ભાઇનું મુખ જોઇને વ્રત પૂર્ણ કરે છે.
Contact Email : [email protected]
Notice :
અમારા લેખનું લખાણ કોપી કરતા પહેલા અમારી લેખિત મંજુરી લેવી જરૂરી છે.
Hello Readers, Anubandhamjob.in is a private website and don’t represent any government entity, organizations or department. Whatever information we shared here is gathered from various Gujarat government’s official website and news papers and other websites. We also cross verify the job when we post any job but do always cross verify the job vacancy by yourself to prevent fraudulent happening in the name of job.
Group